మూడు అనుభవాలు

మూడు అనుభవాలు ఒక చెవిటివానికి కోయిల పాట ఎలాఉంటుందో వినాలనిపించింది. ఓ కవిమిత్రుణ్ణి అడిగాడు గులాబిపూవులా ఉంటుందన్నాడు. ఒక అందమైన గులాబీని చెవి వద్ద ఉంచుకొన్నాడు మెత్తని పరిమళ స్వరం గులాబి ముళ్ళు చెవితమ్మెల్ని గాయపరిచాయి చేతికి రక్తం వెచ్చగా తగిలింది అనామక కాకి రక్తం ***** ఒక అంధునికి ప్రేమ ఎలా ఉంటుందో చూడాలనిపించింది సాగరంలా ఉంటుందన్నాడో మిత్రుడు వెంటనే సముద్రంలో దూకేసాడతను గవ్వలు, రాళ్ళు గుచ్చుకొని గాయాలయ్యాయి లోతుల్లోకి కూరుకుపోతూంటే ఒక సముద్రగుర్రం తన వీపుపై ఎక్కించుకొని ఒడ్డున దీబెట్టింది ప్రేమంటే అర్ధమైందతనికి ***** ఒక మూగవానికి దేవుడు కనిపిస్తే ఏం మాట్లాడాలన్న సందేహం వచ్చింది చిమ్మెట శబ్దాలలో నీకు సమాధానం లభిస్తుందన్నారెవరో చిమ్మెటలు కిక్కిరిసిన తోటలో ఎన్నోరాత్రులు ఓపికతో ఒంటరిగా ఎదురుచూసాడతను ఓ వేకువ జామున అతను దేవునితో సంభాషించాడు. బొల్లోజు బాబా